DW | Amharic - News

አያት ቅድመ አያቶች ኡተሬሽት-ወይም ሌላ ሥፍራ-ብቻ ኔዘርላንድስ ዉስጥ ከሚገኘዉ አብያተ-መንግሥታቸዉ ሆነዉ የአፍሪቃን ካርታ እያዩ አፍሪቃን ቅኝ ለመግዛት ይወስኑ ነበር።ያሁኖቹ ደግሞ እዚያዉ አፍሪቃ (ደቡብ አፍሪቃ) ፅሕፈት ቤት ከፍተዉ በድጋፍና ርዳታ ሥም የ19ኛዉን መቶ ክፍለ ዘመን የአያት-ቅድመ አያቶቻቸዉን አገዛዝ እየደገሙት ነዉ

በእስር ላይ የሚገኙ አምስት ጋዜጠኞችን የኢትዮጵያ ባለሥልጣናት እንዲፈቱ የጋዜጠኞች መብት ተሟጋች በድጋሚ ጥሪ አቀረበ። የኢትዮጵያ ሰብአዊ መብቶች ኮሚሽን መንግሥት ከ600 በላይ እስረኞች መፍታቱን ቢያስታውቅም ጋዜጠኞቹ ጎበዜ ሲሳይ፣ መስከረም አበራ፣ ገነት አስማማው አስማማው፣ ዳዊት በጋሻው እና አባይ ዘውዱ አሁንም እስር ቤት ናቸው።

በኢትዮጵያ በወርሃ መስከረም መጀመሪያ ላይ የሚከበረው አዲስ ዓመት የክረምቱ ጨለማ በብርሃን የሚተካበት ነው። በዚህም አሮጌው አልፎ ወደ አዲስ ዘመን ሲገባ ብዙዎች ተስፋ እና መልካም ምኞትን ይዘው ይሻገራሉ። ለመሆኑ 2018 እንዴት አለፈ? በ2019 ዜጎች ምን ተስፋ ያደርጋሉ? ሸዋንግዛው ወጋየሁ የሀዋሳ ነዋሪዎችን አስተያየት አሰባስቧል፡፡

ወጣት መስፍን ሹመትም ባለፉት ስድስት ዓመታት ልጆቻቸውን ወደ ትምህርት ቤት መላክ ያልቻሉ ወላጆችን በመደገፍ ልጆች እንዲማሩ ብዙ ሠርቷል። አቶ አቡበከር ሰይድም በደሴ ከተማ ኗሪ ናቸው። ትምህርት ሊያቋርጡ የነበሩ ልጆቻቸው በወጣት መስፍን ድጋፍ ወደ ትምህርት ቤት መመለሳቸውን ይናገራሉ።

ሐርቡ መጠለያ ጣቢያ የሚገኙት መሐመድ “ተፈናቃይ” ከሚል ስም ፈጣሪ እንዲያወጣቸው ይጸልያሉ። ከራያ የተፈናቀሉ መምህር አዲስ ዓመት ሲቀበሉ “ቤቴ ናፍቆኛል፤ ልጆቼ ናፍቀውኛል” ሲሉ ተናግረዋል። በገራዶ መጠለያ ጣቢያ የሚገኙ ተፈናቃይ የቀደመው የአዲስ ዓመት አከባበራቸው ከአሁኑ ባይወዳደርም “ካለን ምን አነሰን እኛ?” ሲሉ ፈጣሪያቸውን ያመሰግናሉ።

በኦሮሚያ ክልል ውስጥ የሚገኙት የአሙሩና የኪረሙ ወረዳዎች ሰላም ከራቃቸው የኢትዮጵያ አካባቢዎች ውስጥ ናቸው። የአሙሩ ነዋሪ “ብዙ ችግሮች ቢኖሩም የጸጥታ ሁኔታው ለውጥ አሳይቷል” ብለዋል። ታጣቂዎች የሚንቀሳቀሱበት የኪረሙ ወረዳ ነዋሪ የጸጥታ ሁኔታው ከባለፈው ዓመት ሲነጻጸር “እምብዛም ለውጥ የለውም” ሲሉ ተናግረዋል።

የትግራዩ ክልሉ ጦርነት በውጪ ኃይሎች ፖለቲካዊ ተፅዕኖና በአፍሪቃ ሕብረት ሽምገላ በፕሪቶሪያ ውል ቢቋጭም ግጭት ጦርነቱ ግን በአማራ ክልል በሌላ መልኩ ቀጠለ:: ኦሮሚያም ሰላም ከራቃቸው ክልሎች ቀዳሚው ነው። በርከት ባሉ መደበኛና ኢመደበኛ ታጣቂና አማጻያን ፍልሚያ የሲቪሉ ማኀበረሰብ ኑሮ ለሰቀቀን ከተዳረገ ከርሟል።

ውጥረቱ በተባባሰበት በዚህ ሳምንት ሰኞ በአፍሪቃ ቀንድ የአፍሪቃ ኅብረት ልዩ መልዕክተኛ የቀድሞ የናይጀሪያ ፕሬዝዳንት ኦሊሴጉን ኦባሳንጆ መቀሌ መሄዳቸው መሰማቱ የሰላሙ ጥረት እንደገና የመንቀሳቀሱ ተስፋ ተደርጎ ተወስዷል። ከኢትዮጵያ መንግሥት በኩል እስካሁን ስለኦባሳንጆ ጉብኝት የተባለ ነገር የለም።

ኢትዮጵያ ውስጥ በእሥር ላይ ያሉ አምስት ጋዜጠኞች የተከሰሱበትን የሽብር ክስ አምነው ይቅርታ እንዲጠይቁ እና እንዲፈቱ ጫና እንደተደረገባቸው የጋዜጠኞች መብት ተሟጋች ድርጅት (ሲፒጄ) ገለፀ።ሲፒጄ በእሥር ላይ የሚገኙት ጋዜጠኛ ጎበዜ ሲሳይ፣ገነት አስማው፣ዳዊት በጋሻው፣መስከረም አበራ እና አባይ ዘውዱ በአስቸኳይ እንዲፈቱ ጥሪ አድርጓል።

መቀመጫውን ኒዮርክ ያደረገው የጋዜጠኞች ተከላካይ ኮሚቴ በእንግሊዝኛ ምህጻሩ ሲፒጄ ለስድስት ሃገራት ጋዜጠኞች እውቅና ሰጠ። 16ቱ የታሰሩ ኤርትራውያን ጋዜጠኞች ናቸው። ለጋዜጠኞች መብት የሚሟገተው ዓለም አቀፍ ተቋም ኢትዮጵያው ውስጥም በእስር ላይ የሚገኙ አምስት ጋዜጠኞችን እንዲፈቱ ለሀገሪቱ ባለሥልጣናት ጥሪ አቅርቧል።